X.

Et afin que nous puissions mieux & plus seurement
conduire vn si loüable & necessaire dessein pour la cõmune
deffense de l’Estat, l’obseruation des loix publicques
& priuées d’iceluy, & la ruine des ennemis du Roy
& du Royaume par les nostres, & par vne ferme liaison
entretenir vne perdurable paix & concorde, & viure
ensemblément comme vrais membres d’vn mesme
corps sous le Chef qui sera choisi suiuant les reglements
qui seront par nous cy apres. Nous promettons tous &
donnons la main les vns aux autres, dont Dieu est témoin
entre nous, de garder fidelement cette Vnion, &
faire toute chose & tout ce qui en dependra par commun
conseil & concorde les vns des autres, & par vne
mutuelle correspondance & communication nous
maintenir, supporter & secourir enuers & contre tous,
& à cette fin renonçons à tous interests, respects perils
& considerations particuliers qui nous pourroient estre
proposée au contraire, pour conioinctement courir au
secours de celuy ou ceux qui seront assaillis & attaqué
en haine de ladite Vn on, ou en consequence d’icelle
directement ou indirectement par quelque voye & par
qui que ce soit en faire nostre propre fait, & de contribuer
de bonne foy à nostre commune deffense & de
chacun de nous en particulier, & tout ce que Dieu nous
donne de pouuoir, sans excuse remise, ou tergiuersation,
& sans nous pouuoir départir de la presente vnion
& association, ny poser les armes qu’il ne soit pourueu
aux choses dessus dites ny entendre aucun accord ny
traicté de paix, sinon d’vn commun consentement.

XI.

Sera la presente vnion & association tant pour nous
que pour nos enfans & descendans d’eux que nous entendons
y estre compris, & ausquels arriuant le deceds