d’aucun de nous ou que pour cause necessaire il fut oblige
de sortir hors du Royaume, nous promettons en ce
cas de rendre le mesme secours & assistance que dessus.

XII.

Et pour éuiter toute diuision & mal entendu qui pourroient
suruenir de nos associez ou de la pluspart d’iceux
en iuste nombre, ausquels nous serons tenus d’acquiescer,
sans pource prendre pretexte de se refroidir en ce
qui sera de cette presente association.

XIII.

Demeurera le present escrit serré entre nous sans venir
en éuidence, sinon lors que par vn commun aduis il
sera iugé vtile.

XIV.

Nous iurons & protestons deuant Dieu ; que nous
soustiendrons le droict des Bourgeois & Habitans de la
Ville de Paris, iusques à la derniere goutte de nostre
Sang, & que leurs interests seront joints vnanimement
auec les nostres, puis qu’ils ne tendent qu’à la conseruation
de l’Estat.

Et pour la fin, protestons deuant Dieu de garder inuiolablement
les articles cy-dessus, le prions de nous en
faire la grace, & qu’il luy plaise tenir nos bonnes intentions,
les conduire & faire reüssir à l’affermissement de
la Couronne & au bien & conseruation de nostre Parie.

FIN.