tout ce que le Roy veut sans dire ny quoy, ny
qu’est-ce, fust-ce de baiser le cul du [1 mot ill.].

Le Critique.

O le Vilain, il y a long-temps qu’il luy a presenté
son offrande, il a sa marque, & n’est riche
que de ses faueurs.

Le Duc d’Elbeuf.

Tous biens sont communs, il n’y a que maniere
de les auoir.

Le Critique.

C’est encore vn homme de bien, il prendroit sur
le Maistre Autel, il est de tous mestiers, encore a-t’il
bien de la peine à viure.

Messieurs ses Enfans.

Les Rieurs ne sont pas icy de nostre costé.

Le Critique.

On fait peu de cas de Saints qui ne guerissent
de rien.

Le Duc d’Espernon.

Qui perd vn chien, & recouure vn chat, a tousiours
vn animal à quatre pattes.

Le Critique.

Quand on veut attraper vn mastin, on luy baille
tousiours quelque os à ronger.

Le Duc Candale son fils, de nouueau nommé par la
Cour pour estre Gouuerneur de la Guienne,
qu’on luy garde.