La chose dont on me fait present, est à mon seruice,
& hors de mon commandement.

Le Critique.

Ce n’est pas viande pour ses oyseaux, le morceau
luy passera bien loin du bec.

Le Comte d’Harcourt.

I’ay battu les buissons, d’autres auront pris les
oysillons.

Le Critique.

Les bons Cheuaux qui font l’auoine, ne la mangent
pas.

Le Prince Thomas pourueu de la charge de Grand Escuyer.

Iamais l’vn ne perd, que l’autre ne gaigne.

Le Critique.

Il ne falloit plus que cettui-cy pour nous
acheuer de peindre, il est pourueu, Dieu pouruoye
les autres : la Foire sera bonne, les Marchands
s’assemblent.

Les Mareschaux de Turenne & de la Ferté Senneterre,
parlants de la disgrace du Comte d’Harcourt.

Autant nous en pend à l’œil, & nous prenons
bien de la peine dõt on ne nous sçaura gueres de gré.

Le Critique.

Peine de vilain n’est à rien compter.

Le Mareschal d’Hocquincourt.

Il m’en a desia cousté pinte & fagot, mais ie
n’ay pas tout perdu, puis que i’ay sauué le moule