Le Coadiuteur.

On ne me connoist pas pour me voir, & tel
parle de nous deux, qui ne sçait comme il y a.

Le Critique.

Vn Barbier rayst l’autre, & c’est la Mesgnie d’Arcambaut,
plus il y en a, & moins vaut.

Le Roy d’Angleterre.

Ie suis Monsieur de nul lieu faute de place, &
ne sçay plus à quel saint me recommander.

Le Critique.

Vn malheureux voudroit que tout le monde
le ressemblast ; c’est pourquoy cettui-cy tâche à nous
mettre dans le panneau.

La Reyne d’Angleterre.

L’on se repent tousiours de mauuais marché.

Le Critique.

Où la chévre est liée, il faut qu’elle broute, &
quand on est à son aise, il faut tascher de s’y tenir.

Le Duc de Vendosme.

Quand on est auec les Loups, il faut hurler, &
tirer tousiours le bon bout par deuers soy.

Le Critique.

C’est vn grand Conquerant, il a fait des merueilles
depuis peu, dont il est grand bruit en la ruë
des muets.

Le Duc de Mercœur.

Il faut rendre honneur à qui on le doit, & faire