La Mère de Dieu, Pierre de (dit Bertius, Abraham) [1647], LES VERTVS ROYALES D’VN IEVNE PRINCE. , français, latinRéférence RIM : Mx. Cote locale : B_1_1.
-- 121 --
crainte par la rigueur des peines, & des menaces ;
tandis que l’autre allume les flammes de l’amour
par l’esperance du pardon, & de la misericorde.
Que nos Roys de France, ont tousiours gouuerné
leurs subiects auec vne
grande clemence.
CHAPITRE XX
IE ne puis assés admirer le droit, ou plustost
la coustume des Souuerains, couchée au premier
liure des Roys, où il est dit que les Monarques
se seruiront de leurs subiects, pour les atteler
à leurs Chariots ; qu’ils les emploiront à trauailler
leurs terres, & à leur faire des armes, &
des carosses : que les Filles leur prepareront des
onguents precieux, qu’elles seront leurs cuisinieres,
ou pannetieres : qu’ils occuperont les terres
de leurs voisins, leurs vignes, & leurs meilleurs
oliuiers, ou les donneront à leurs seruiteurs : qu’ils
decimeront impunémẽt les moissons, & tireront
le reuenu des vandanges, pour en faire des presens
à leurs Eunuques, & domestiques : qu’ils enleueront
les seruiteurs, & les seruantes, la meilleure
ieunesse, & les asnes, pour les occuper selon
leur volonté : quoy plus ? qu’ils decimeront les
trouppeaux, & considereront leurs subiects comme
La Mère de Dieu, Pierre de (dit Bertius, Abraham) [1647], LES VERTVS ROYALES D’VN IEVNE PRINCE. , français, latin Référence RIM : Mx. Cote locale : B_1_1.
|