seroit facile de rapporter quelques exemples Domestiques.

2. Rog 2.

Memento
Domine
Dauid, &
omnis mãsuetudinis
eius, Psal. 131.

Mais il vaut mieux de finir ce discours, par des
raisons conuinquantes, & de faire voir que le
naturel des subiects, est grandement porté à l’amour
de la Royale clemence : Dautant que les
inferieurs s’attachent facilement à ceux qui excusent
leurs foiblesses, & qui par vn excés de
courtoisie, & de bonté, ne se veulent pas seruir
de l’authorité Souueraine, pour punir leurs démerites :
en quoy les peuples n’ayment pas tant leurs
Princes, que leurs propres commodités ; c’est vn
amour particulier, qui les force de baiser la main
charitable, qui pour de iustes considerations, ne
chastie par leurs fautes.

Dauantage, comme les bons naturels des ieunes
Monarques, sont extremément aymables,
& que la Royale clemence, est vn signe tres-manifeste
de cette bonté, au mesme instant qu’elle
vient à paroistre, elle fait naitre l’amour dans les
cœurs des peuples, qui ne peuuent s’empescher de
cherir vne si douce Maiesté ; bref, le souuerain
moyen de regner heureusement, & de rendre vne
Monarchie florissante, c’est de gaigner les affections
des peuples, à la faueur de la Royale clemence,
& de temperer si dextrement la Iustice,
& la misericorde d’vn ieune Prince, que ces vertus
ne facent qu’vn mélange, & vn heureux
composé, & que l’vne imprime le respect, & la