& s’en va genereusement contre ses aduersaires,
les taille en pieçes, & retourne triomphant,
aplaudi de plusieurs pour la grandeur
de son entreprise, & son heureux succez, pour
la discretion & la sagesse militaire qu’il y auoit
témoignée ; mais son pere se trouuant offencé
de ce que c’estoit sans son ordre, il le fit
prendre, loüa ceux qui l’auoient accompagné,
& luy fit à luy seul trencher la teste pour
sa desobeïssance : C’est ce qui nous fait voir
qu’il n’y a point de crime plus punissable que
la transgression, quelque beau pretexte qu’elle
puisse prendre, il n’y a point de crime plus
dangereux que la rebellion & l’irreuerence,
l’autorité méprisée tout est en branle, & il ne
se trouue nulle seureté pour les Peuples quand
on a afranchi les bornes du deuoir & de la descense :
Ie voy encore chez les Romains vn autre
exemple digne de consideration sur le mesme
sujet ; Muncius Consul de Rome, qui fut
demis de son Consulat par Lucius Quintus
Cincinatus, bon homme de village, nourri
aux champs, qui conduisoit sa charruë, sans
ambition ny repugnance ; Ou nous apprenons
les changemens & vicissitudes des
choses d’icy bas, ou les hommes & les dignitez
estre sujettes à progrez & à decadence ; &
c’est ce que nous ne deuons ny pouuons empescher,

Page précédent(e)

Page suivant(e)