mille escus que i’ay mis entre les mains des Bancquiers
de Lion.

Ie desire reconnoistre auec passion le merite
des hommes illustres de la France, que ie supplie
tres-humblement de me vouloir pardonner si ie
n’ay pas fait beaucoup d’estime de leur condition,
ie donne & legue à chacun d’iceux cent mil francs,
qui seront tirez des quatorze millions que i’ay
presté à la Republique de Venise.

Ie desire reconnoistre les imprimeurs & Vendeurs
de placarts & libelles, pour tesmoigner que
ie n’ay pas aucune animosité contr’eux, bien qu’ils
ayent mis en lumiere vn nombre infiny de pieces
contre moy, ie donne à chacun vingt escus, lesquelles
sommes seront tirées du tresor de mon
espargne.

Et parce que i’ay besoin en cette presente occasion
de la grace particuliere du Ciel, ie donne à
tous les Cloistres & Monasteres des Mandiants de
Paris & des Faux-bourgs d’iceluy, à chacun la somme
trois cens mil liures, afin que par leurs prieres,
jeusnes & disciplines, Dieu me comble de ses benedictions.

Ie donne & legue la somme de cens mil liures
que le Senat de Naples me doit, à des pauures filles
nubiles, laquelle dite somme sera distribuée par
les Peres Iesuites, comme ils iugeront à propos.

En dernier lieu, le donne & legue au grand