quel bois faire fleche, ny ou subsister, ont par leurs
conseils detestables fait perdre à leur Roy la Couronne
& la vie : Et les autres, l’vn desquels Prince indigne
de ce nom, n’est recommandable que par la
trahison commise contre son Neueu & son Souuerain,
ont vne rapine insatiable, dont la source tariroit
en faisant cesser la guerre, & le pretexte des imposts
& des maletostes. C’est la resolution qu’il faut
prendre, & qu’il faut executer en vn mesme temps,
seule capable de vaincre toutes les contradictions de
ces impies, & de nous procurer le repos & la felicité
que nous souhaittons, qui sera bien moins parfaite,
ou plustost bien suspecte, & de peu de durée, si elle
s’acquiert par les correspondances & les participations
de ces gens-là, qui n’ont ny Foy, ny Pieté, ny Religion,
ny autre visée que de nous remettre sur le col
le joug intolerable de leur tyrannie. Par quelque ruse
& meschanceté que ce puisse estre qu’il ne seroit plus
temps de plaindre, & tres-difficile de punir & de venger,
outre que le plaisir de la vengeance est beaucoup
moindre que le regret que l’on a de se voir deceu,
quand on en pourroit venir à bout.

Ces bellzs resolutions ont éclatté de toutes parts,
mais auec peu de succez, par les astuces & les trauerses
de nos ennemis, qui iugeans bien de la fin de la
guerre & de leur abbaissement, par consequent si elles
estoient aussi courageusement executées que necessairement
entreprises, n’ont rien oublié de ce qui
pouuoit broüiller nos intelligences, & allumer le feu