force de courir & d’auoir peur, car le bruir estoit respandu
par tout que c’estoit le plus meschant de tous
les hommes : la sentinelle moins propre à bien courir
& plus poltronne que le Caporal, demeura en chemin
estenduë cõtre terre, moitié morte de frayeur & sans aucun
mouuement ny signe de vie, mais le Caporal plus
vigoureux fut iusques au corps de garde, criant tousjours
aux armes. Ces voix de frayeur donnerent aussi
tost l’alarme par tout & arriuerent de bouche en bouche
iusques au Palais de Pluton qui estoit lors en bon
repos auec Madame Proserpine, lequel entendant ce
bruit, se leua au mesme instant (car en ce pays là on
n’est point en peine de prendre ses habits) prit sa fourche
meurtris en la main, & crie luy mesme aux armes :
aussi tost le vaillant Rodomond son Capitaine des gardes,
& le grand Rolland son general d’armée se mirent
en deuoir, l’vn aupres de la personne du Prince,
l’autre mettant son armée en bataille ; ce qui fit que les
choses furent incontinent preparées, apres quoy on
donna ordre au Mareschal de Gassion comme grand
aduanturier, d’aller promptement recognoistre ce
que c’estoit que ce bruit auec dix mil hommes qu’on
destacha des quatre cens mil qui estoient desia sous les
armes & de se saisir de quelque poste aduantageuse,
affin d’arrester vn peu les ennemis si il en paroissoit, &
par ce moyen qu’on eut le moyen de deliberer ce que
l’on feroit ; ce qui luy fut faict, & cassion aprit par ses
coureurs que c’estoit le Cardinal Mazarin qui arriuoit,
dont il enuoya donner aduis à Pluton qui luy renuoya
dire au mesme instant d’aller au deuant, crainte qu’il

page précédent(e)

page suivant(e)