Anonyme [1649], L’EQVIPROQVO DE L’AVTRE MONDE, SVR L’ARRIVEE DV MAZARIN. ET L’ARREST IRREVOCABLE RENDV contre ce Cardinal du mesme nom. VN COVRIER ARRIVE DEPVIS PEV de l’autre monde, m’en a apris des nouuelles, dont ie vous veux faire part mon cher Damon, si vous l’auez pour agreable, voicy à peu pres ce qu’il m’a dit. , françaisRéférence RIM : M0_1272. Cote locale : C_6_80.
Page précédent(e)

Page suivant(e)

-- 6 --

n’eust des trouppes & qu’il ne voulut troubler son
Royaume comme il auoit desia fait celuy de France ;
ce qu’il vouloit esuiter par le bon ordre qu’il alloit y
apporter, à quoy cassion obeyt incontinent, & pendant
qu’il marchoit auec ses trouppes, Pluton assembla
son Conseil où il fit entrer plusieurs grands personnages
reçeus en la dignité de Ministre d’Estat, chacun
ayant pris sceance selon l’ordre de sa reception,
Pluton President ayant à ses costés le seuere Minos &
l’equitable Radamante, & apres oüy en leur deposition
toutes les personnes arriuées de France depuis vn
an, la chose passa en notorité, ce qui fit qu’on laissa le
reste des formalitez qui sont les interrogatoirs, recolemens
& confrontations ? tellement que l’affaire se
trouuant en estat, sans qu’il fut besoin de plus longues
procedures, elle fut mise en deliberation, & il fut dit
que tant pour reparation des crimes commis par le
Cardinal que pour la seureté publique, il seroit mis
pour iamais dans le noir & ardant cachot d’acier ou il
seroit eternellement bruslé.

 

Ce que voyant le Cardinal de Richelieu, il se ietta
aux pieds de Pluton & luy dit, grand Dieu ie vous demande
misericorde pour ce mal-heureux, non pour sa
consideration, car il ne le merite pas, mais pour celle
des seruices que ie vous ay rendus depuis que ie suis en
ces lieux & que ie suis encore prest de vous rendre à
l’aduenir en toutes les choses ou vostre Maiesté diuine
me fera l’honneur de m’employer. Ce pauure Mazarin
est plus mal-heureux que meschant, toute la faute
vient plustost de moy que de luy (quoy qu’innocemment)

Page précédent(e)

Page suivant(e)


Anonyme [1649], L’EQVIPROQVO DE L’AVTRE MONDE, SVR L’ARRIVEE DV MAZARIN. ET L’ARREST IRREVOCABLE RENDV contre ce Cardinal du mesme nom. VN COVRIER ARRIVE DEPVIS PEV de l’autre monde, m’en a apris des nouuelles, dont ie vous veux faire part mon cher Damon, si vous l’auez pour agreable, voicy à peu pres ce qu’il m’a dit. , françaisRéférence RIM : M0_1272. Cote locale : C_6_80.