sous silence : & qu’à ses causes & fin il plaise
à la Iustice Plutonique, qu’en cas que ces souffres
& ces fœux ne puissent assez auoir de puissance
pour perdre ces sensuës, de mander en
diligence & escrire à son frere Iupiter pour
darder son foudre, esclater son tonnerre sur
les testes des autheurs des peines d’vn ieune
Roy, de la perte de son Estat, de crainte que
Paris ne deuienne Ixion pour vne Helene.

Comme aussi de mander à son frere Neptune
de tenir la main à cette execution, se rendant
effroyable à ceux qui espereroient de luy
l’azile de leur fuite ; Afin que la France estant
depestrée & netoyée de tant de monstres elle
puisse viure en paix.

Conclusions de l’Avocat general, en la presence
de Radamãte Procureur general & tout
consideré : LA COVR ayant aucunement
esgard à ladite Requeste, & neantmoins reconnoissant
les suplices & tortures, que le
Supliant reçoit dans ces lieux pour les choses
qui ne sont pas si punissables que ceux qui
doiuent souffrir, ceux qui sont contenus en la
Requeste.

Sa Iustice infernale sera tres-humblement
supliée d’apaiser ses furies exercées à l’endroit
du Supliant, de visiter Mazarin plus coupable