auec tous ses consorts, de crainte que le ciel
couroucé n’escrase les habitans des tenebres
& demander au Roy du foudre & à celuy des
vagues, qu’vn chacun en son endroit tiennent
la main à l’execution du present Arrest,
pour seruir de confusion aux tyrans, perfides,
traistres de la France, Monopoleurs, donneurs
d’auis & autres telles sortes de gens &
autres semblables, desquels les places sousterraines
sont remplies, tellement qu’il n’y a
plus de place, s’il ne plaist au Roy de ses lieux
en eriger d’autres, & en la consideration de
cet avis, nous auons relaché & relachons les
peines du Supliant iusques à la confrontation
de sa partie Mazarine.

Enjoignons à tous Huissiers & Sergens du
Chastelet de ses Cohortes, de ne luy apporter
aucun trouble ny mescontentement pendant
le temps, à peine d’estre exterminez plus
bas. Mandons à tous Mazarins, voleurs
de la France & ennemys de l’Estat du Roy
de & de son Royaume, qui se preparent
& tiennent la voye de tenir la main à l’execution
du present Arrest, leur promettant
la Cour qu’estant là bas il ne seront à cause
de leurs crimes iamais soulagez en leurs supplices.
Fait en nostre barreau Plutonique, le