leurs desseins à quelqu’vn, il semble qu’ils
ne peuuent mieux confier leur Authorité qu’aux
Princes du Sang, qui ont ce droict par leur naissance,
& qui peuuent maintenir par leurs qualitez,
la dignité du Gouuernement, au lieu que la
bassesse des autres l’avilir & la décrie ?

Il y a encore vne fatalité attachée à la pourpre,
Que les Cardinaux ont tousiours contrarié les
Princes du Sang, & pretendent vne impunité de
tout entreprendre, ne s’estimans pas justiciables
que du Pape. Outre que les Estrangers sont toûjours
exclus des affaires d’Estat dans tous les Royaumes
& Republiques de la terre ; tant par ce
qu’ils ne peuuent auoir le sentiment qu’vn chacun
a pour sa Patrie, & qu’ils sont desia engagez
à vn autre Estat ; comme aussi d’autant, qu’outre
plusieurs desavantages, on ne peut éviter la honte
& les reproches à nostre Nation, d’aller prendre
ailleurs des Hommes pour administrer le
Royaume, lequel est remply de tant de personnes
de reputation & de probité.

Mais par dessus toutes ces considerations, celle
qui se tire des vices & de l’incapacité de ce Ministre,
doiuent preualoir à toutes les autres : la
haine qu’il s’est acquis pendant son administration,
non seulement des Peuples, mais d’vn grand
nombre de Personnes de qualité & de probité,
est vn tesmoignage de sa mauuaise conduite ; &
moy ayant esté le tesmoin de ses impostures &