Tu doits par des raisons tres iustes
Viure dessous mes loix robustes,
Si tu n’ayme mieux endurer
D’aller aux cloistres demeurer :
Car si tu veux priuer les femmes,
Et les ieunes gens de mes flemmes :
Tu te rebanniras d’icy,
Et tout à l’instant le soucy
Fera renestre dans la terre
Quelque nouueau subiet de guerre ?
Accouste suis donc mon conseil
Pour nostre bien Vniuersel ?
Tu dois agrëer ma Requeste,
Et viure comme ie souhette
Dessous les ordres de mes loix,
Puisque mesme l’on void les Roys
S’assubiettir sous mon Empyre,
Et que le lexe ne desire
Que d’estre sous mes estendarts
Aussi bien que les fils de Mars
Qui cherissent plus ma Couronne,
Que le corcelet de bellone
Sans te faire vn plus grand discours
Ie desire finir nos iours,
Si tu le trouues bon ensemble
Ne crois pas pourtant que ie tremble,
Ny que ie craigne ta rigueur
Si tu connoissois ma vigueur,
Tu ne voudrois point me desplaire
Afin d’euiter ma colere.

La Paix.