Estoient ses ieux & ses ébats ;
Apres quand il fut aux combats,
Il sembloit estre sur la terre
Le Dieu qui lance le tonnerre.
Son nom voloit en toutes parts,
Qui rendoit celuy des Cesars,
Presque caché dans les tenebres,
Par ses actions si celebres ;
Et maintenant que le destin
Le fait paroistre si mutin,
Si furieux & si barbare,
Il semble plustost vn Tartare,
Vn Turc, ou bien vn Escossois,
Que non pas l’amy des François.
Par vn débordement insigne,
Il semble s’estre rendu digne
D’estre nommé nostre Tyran,
Depuis le premier iour de l’An ;
Ses meurtres & sa barbarie,
Son impieté, sa furie,
Témoignent assez que ses mœurs,
Sont changées & ses humeurs,

Page précédent(e)

Page suivant(e)