Dites moy, ie vous prie, s’il n’est pas vray que
toute la terre seroit enuelopée des tenebres
obscures d’vne profonde ignorance sans la doctrine,
sans les liures & sans les Autheurs : Qui
a tiré la Philosophie des cendres & des poussieres
du tombeau où elle estoit malheureusement
enseuelie depuis tant dannées, sinon Aristote :
& qui a fait tant d’habiles gens qui
tous les iours esclattent en public & en particulier
auec admiration, si ce ne sont ses liures
& ses escrits. Chacun s’arreste à ses principes &
à ses fondemens, & on n’oseroit les contredire
si l’on ne veut passer pour ignorant, pour malicieux,
ou pour opiniastre. Ie veux que la
Theologie soit vne science plus diuine qu’humaine,
parce que la pluspart de ses articles
sont fondés sur la reuelation de Dieu, Neantmoins
comme elle contient aussi plusieurs
choses qui regardent absolument les actions
humaines selon qu’elles sont en soy bonnes ou
mauuaises ; Nous auons obligation au grand
S. Thomas de nous l’auoir reduit dans l’ordre
que nous la voyons aujourd’huy, & sans les diuines
lumieres de cét Esprit Angelique, nous
serions à peine de resoudre beaucoup de difficultez
qu’il nous a esclaircy auec autant de pureté

Page précédent(e)

Page suivant(e)