des Rois, l’origine des Estats, la colomne des
Sceptres, & protestoit que sans elle les Princes
ne pouuoient regner qu’à leur confusion,
ny dominer qu’à leur ruine. Il escrit aussi que
dans Laidas ville celebre, & des plus anciennes
de la Grece, il y auoit vn Autel dedié à la
Deesse victorieuse, c’est à dire, Pallas, à la quelle
on n’offroit que des Roses, des fleurs, des
parfums & des encens. Lors que les Prestres
y sacrifioient, ils y portoient des couronnes
d’oliuiers, de palmes, de jasmins, & les Magistrats
de la mesme ville y assistoiẽt nuds pieds,
pour marque qu’ils deferoient beaucoup à
vne diuinité, dont ils respectoient la puissance,
& adoroient le merite. Mais si la science est
victorieuse des Princes, elle ne l’est pas moins
de ceux qui administrent la Iustice : Et les esprits
qui ont veritablement reconnu son excellence,
ne l’ont pas iugé moins necessaire
aux Senateurs qu’aux Conquerans, & aux
Triomphateurs : En effet, comment ceux de
Rome auroient-ils si long-temps gouuerné vn
Empire qui estoit la gloire du monde, & le
chef de l’Vniuers, s’ils n’eussent esté grands
Philosophes & tres-sages Politiques : La Vertu
y estoit estimée, parce qu’ils en connoissoient

Page précédent(e)

Page suivant(e)