Mais maintenant qu’elle apprendra
par vous, Messieurs, les ordres qu’il a
receus, & tout ce qui s’est passé ; on se
peut promettre qu’elle diminuera beaucoup
de cette premiere rigueur, & qu’elle
joindra ses forces auec celles de sa Majesté,
pour disposer toutes choses au calme
si desiré d’vn chacun, & si necessaire
à tous.

Il demande instamment de se iustifier ;
surquoy le Roy prendra ses resolutions,
qu’il fera bien-tost sçauoir à la Compagnie ;
autrement il resteroit à sa Majesté & a
vous aussi sans doute, vn extréme regret,
que le mesme esprit ne se trouuast pas en
celuy qui commande, & en ceux qui doiuent
obeïr.

Elle sçait bien que ce n’est pas assez que
les Loix soient iustes, si la iustice d’icelles
n’est reconnuë par ceux qui y doiuent estre
sousmis, & qui les doiuent executer.

Mais il importe de ne se mesconter pas, &
que ceux qui doiuent en fin ceder n’entreprennent
pas de l’emporter par vne fermeté