siecles passez, le Parlement a tousiours rendu
des preuues de son affection enuers l’Estat,
comme les actions se suiuent ; & que le
mesme esprit les anime : Aussi sa Majesté
s’asseure-t’elle qu’il témoignera tousiours
son inuiolable fidelité.

Il est bien iuste que cette premiere Compagnie
du Royaume donne toûjours exemple
de sousmission & d’obeïssance à tous les
Peuples. Elle n’a pas sçeu que M. le Cardinal
Mazarin a receu les ordres de sa Majesté,
pour faire des leuées de Gens de guerre ; &
aussi, si elle a exercé à l’encontre de luy la
seureté des Loix, comme contre ceux qui
violent les ordres publics : Elle n’a pas
sçeu aussi qu’il luy eust esté commandé
d’entrer en France, & d’amener ses troupes
afin de s’en seruir, fortifier les Armées
du Roy, & aller plus promptement combattre
les rebelles.

Encores que d’exposer sa vie en proye, &
de permettre de le prendre vif ou mort,
soit vn procedé du tout extraordinaire sans
exemple, & dont vous iugez assez les consequences ;