R. Il vous est libre d’auoir telle pensée qu’il vous plaira,
sur la difficulté qui se rencõtre dans l’exercice de la Magistrature,
mais cela n’empesche point, que la verité ne demeure
constante en la sorte que ie viens de la proposer, si
l’on s’en veut seruir Chrestiennement & selon les regles
de l’Euangile. Aussi l’Escriture Saincte deffend aux personnes
de s’engager dans ces charges, si elles n’ont vn
cœur male & genereux, pour resister auec courage à la licence
des méchants, & pour la punir auec le méme esprit
lors qu’elle viendra a leur cognoissance, sans se rendre esclaues
de la fortune, ny de la faueur, noli quærere fieri iudex,
nisi valeas irrumpere iniquitates. Et si l’on sçauoit les conditions
& les qualitez, que l’on requeroit en la personne des
Iuges dans l’ancienne Loy, il n’y a aucun qui ne restast
estonné, en les cõparant auec celles dont on se contente
auiourd’huy, pour leur donner l’authorité sur la vie & sur
les biens des hommes. N’estimez donc pas que la difficulté,
en la matiere que nous traittons, puisse deuãt Dieu
seruir d’excuse aux Magistrats, Ie le repete encore, que
dans ce déplorable estat, ou ces harpies humaines ont reduit
la France, & dans le peril de laquelle, celuy de l’Eglise
se rencontre, ils sont obligez soubs peine de crime,
non seulement de leur faire rendre gorge, mais de les punir.
Et s’il se rencontroit quelqu’vn qui osast tenir le contraire,
il meritoit d’estre l’anatheme des hommes, comme
il le seroit en effect, & de Dieu & des Anges.

D. Et si le Roy d’authorité absoluë les veut laisser dans
la possession de ces biens si iniustement amassez, qu’il
fasse vn Edict d’abolition, & l’enuoye aux Cours Souueraines
pour le verifier.