a l’eau pendant vn mois, ou plus long-temps,
ainsi que les Iuges le verront estre à propos,
selon la qualité & enormité desdits blasphémes.
Et afin que l’on puisse auoir connoissance de
ceux qui retomberont ausdits blasphémes, sera
fait registre particulier de ceux qui auront esté
pris & condamnez. Voulons que tous ceux
qui auront oüy proferer lesdits blasphémes,
qu’ils ayent à le reueler aux Iuges des lieux
dans vingt-quatre heures ensuiuant, à peine de
soixante sols parisis d’amende, ou plus grande
s’il y échet : Declarons neantmoins que nous
n’entendons comprendre les enormes blasphémes,
qui selon la Theologie appartiennent au
genre d’infidelité, & dérogent à la bonté &
grandeur de Dieu, & de ses autres attributs.
Voulons que lesdits crimes soient punis de plus
grandes peines que celles que dessus, à l’arbitrage
des Iuges selon leur enormité : SI DONNONS
en mandement à nos amez & feaux les
Gens tenant nostre Cour de Parlement, & à tous
nos Baillifs & Senéchaux, Preuosts, & autres
nos Iusticiers, que nostre presente Ordõnance
ils fassent lire, publier & registrer par tous les lieux
& endroits de leurs ressorts & iurisdictiõs ; & icelle

Page précédent(e)

Page suivant(e)