public : Enjoint aux Communes leur
coutir sus, & aux Maires & Escheuins
des Villes, de s’opposer a leur passage :
Ordonne que sur la Bibliotheque &
meubles dudit Cardinal Mazarin, qui
seront vendus, & reuenus de ses Benefices,
& autres biens qui se trouueront luy
appartenir en France, & à ceux qui l’assistent ;
il sera par preference, & nonobstant
toutes saisies, oppositions & appellations,
pris la somme de cent cinquante
mil liures, laquelle sera donnée à celuy
ou ceux qui representeront ledit Cardinal
à Iustice, mort ou vif, ou à leurs heritiers.
Et si celuy qui le representera se
trouue preuenu de crime, sera le Roy
tres humblement supplié, octroyer pardon,
pourueu que ce ne soit crime de
leze Majesté. Et seront lesdites Declarations
& Arrests, executez selon leur
forme & teneur. Declare aussi les Officiers
du Roy & Gouuerneurs des Places
qui se trouuerõt auoir fauorisé le passage
dudit Cardinal, & l’auoir escorté de leurs
personnes ou de leurs troupes, pareillement
criminels de leze Maiesté, descheus

Page précédent(e)

Page suivant(e)