certain que ledit Cardinal Mazarin estoit
à Sedan contre les termes de ladite Declaration
& desdits Arrests, lesdits Gens
du Roy retirez, & depuis rentrez & ouys
en leurs Conclusions, La matiere mise en
deliberation, LADITE COVR a
arresté & ordonné, Que les Deputez d’icelle
en execution des Arrests des treize
& vingtième de ce mois, partiront incessamment,
& iront trouuer le Roy, à l’effect
de remercier ledit Seigneur des nouuelles
asseurances qu’il luy plaist donner,
portées par ladite Lettre de cacher, Mesmes
pour executer ledit Arrest du troiziesme
de ce mois, Et qu’il sera écrit de la
part de ladite Cour à Mr. le Premier President,
pour appuyer prés ledit Seigneur
Roy, les deliberations & Arrests d’icelle
Cour. Et apres les asseurances dudit
Cardinal Mazarin dedans Sedan, au preiudice
des defences portées par ladite
Declaration du Roy, A DECLARÉ &
declare, les peines portées par icelle Declaration,
encouruës ; Ce faisant ledit
Cardinal & ses adherans, criminels de
leze Majesté, & perturbateurs du repos

Page précédent(e)

Page suivant(e)