Bourbon-Vendôme, François de / duc de Beaufort [?] [1652], LA DECLARATION DE MONSEIGNEVR LE DVC DE BEAVFORT, Enuoyée à Messieurs de Parlement. , françaisRéférence RIM : M0_884. Cote locale : B_9_9.
-- 5 --
fortune, est monté iusqu’au Throne, &
par vne main hardie & sacrilege, a vsurpé
l’authorité Royale, pour persecuter les innocens,
& se couurir du manteau Royal,
pour exercer toutes sortes de violences &
d’injustices Certes comme le bon-heur &
la gloire de nostre Monarque, ne peut
subsister que par sa Iustice que la mauuaise
conduite d’vn Conseil partisan du Cardinal
Mazarin, a taché d’arracher de ses costez.
Aussi pour procurer le bien de l’Estat,
il faut necessairement releuer l’authorité
des Parlemens, que ce Fauory ambitieux
& cét auare Conseil ont voulu destruire.
Comme les bonnes choses par le mauuais
vsage deviennent pires, aussi l’ambition &
l’auarice s’estant emparées du Throne : Le
Cardinal Mazarin & sa faction, ayant preualu
sur l’esprit du Roy & de la Reine, ont
sous leur authorité, [1 mot ill.] la France dans
vne extréme desolation, & maintenant
qu’il a trouué le moyen [1 mot ill.] la Cour.
Il espere de recommencer ses [1 mot ill.] &
reïterer ses sanglantes Tragedies [illisible.] entré
dans la France auec les armes à la main
pour la combattre, ayant obtenu [illisible]
Bourbon-Vendôme, François de / duc de Beaufort [?] [1652], LA DECLARATION DE MONSEIGNEVR LE DVC DE BEAVFORT, Enuoyée à Messieurs de Parlement. , françaisRéférence RIM : M0_884. Cote locale : B_9_9.
|