de ce conquerant à qui la France est obligée
de tant de victoires ; de ce conquerant
qui a esté trompé par les infames artifices
du Mazarin ; de ce conquerant que les nations
estrangeres considerent comme vn de
ces Heros que l’antiquité reueroit autrefois.
Ce doiuent estre aussi les vostres pour vous
conformer à l’equité, dans cette facheuse
conioncture où il s’agit du bon-heur ou de
la perte de tout ce Royaume. Ne soyez pas
si simples de vous laisser surprendre aux
stratagesmes de ce fourbe ministre, & souuenez–vous
que, latet anguis in herba. Le Serpent
est caché sous les fleurs qu’il presente.
Mais apres tout souuenez vous que le Ciel
qui a vn soin particulier des Lys, auctorise
vos justes entreprises, & que vos vœux seront
exaucez, & le Mazarin confondu.

Ce qui vous doit obiger, de trauailler
auec que soin au secous de cet Estat oppressé
par la dangereuse conduite du Mazarin de
qui les conseils n’ont rien que de funeste
pour nous, c’est l’exemple de ce docte Prelat
qui a esté faussement soupçonné de suiure
vn party qu’il deteste. Ie ne puis croire
que ce digne Coadiuteur de nostre Archeuesché
voulut embrasser la deffence d’vn