faire dresser cette Amnistie, en telle forme
qu’il iugeroit estre à propos & conuenable sans
aucune condition n’y exemption.

Secondement que l’ayant fait mettre en
l’estat qu’il la desiroit, sa Maiesté promettoit
la faire verifier en sa presence.

En troisiesme lieu, que sadite Maiesté se
rendroit pour cet effet a Sainct Germain en
Laye, ou a Sainct Denys, pour la faire verifier
en la Cour des Pairs, sa Maiesté seante en son
lict de Iustice.

En quatriesme lieu, que là se rendroit le Parlement
de Paris (qui est la Cour des Paris)
auec celuy de Pontoise, & les autres Paris de
France, afin que la verification en fust plus solennelle
& asseurée.

Cela fut apporté a son Altesse Royale, par
le Marquis de Ioyeuse, à laquelle sa Maiesté
donne tout pouuoir de faire ladicte Amnistie,
au contentement du public.

Monsieur le Chancelier a dignement trauaillé
aupres du Roy, pour porter sa Maiesté à la
Paix il dit aux Deputez de l'Hostel de Ville de
Paris, qu’ils auoient de grands ennemis en
Cour, mais aussi qui s'y auoient des amis, qui
deffendoient la Iustice de leurs demandes.

L'on attend le lieu, où le Roy viendra, &