Que Venus qui desue Ida
Montra teton plus beau que rose,
Et si monstra bien autre chose,
Que Paris qui point n’en bransla
Vid bien & le dissimula,
En recompence ce ieune homme
Luy fit present de belle pomme,
Telle il n’en croist dedans ces lieux
Aussi ce fruit venoit des cieux,
Que Mercure à la jambe aislée
Aporta de cette contrée,
Et ce Mercure sçait comment
On gaigne fille addroictement :
Car c’est chose bien asseurée
Que cette pomme estoit dorée,
Et mesme i’ose dire encor
Que cette pomme estoit tout d’or,
Il faut en accuser la Fable
Et ce que Dame Antiquité
Nous en a si souuent conté,
Quant à moy je ne sçay qu’en croire
Si c’est mansonge ou bien histoire,
Alors qu’on vous en parlera
Vous sçauez Ragonde vn peu folle
Que ce poinct n’est pas du symbole,
Qu’on peut aller en Paradis
Sans croire tout ce que ie dis ;
Car souuent ie parle en Poëte
De qui la ceruelle est mal faite,
N’en deplaise à l’Auteur fameux :

Page précédent(e)

Page suivant(e)