Par tout la ruine, le pillage
La mort, la faim & le rauage
Le suiuent tousiours d’aussi prés
Qu’vn autre fidel Achatés
Que iamais ce grand porte-brette
Qui a la teste vn peu trop verte,
Ne passe villages ny bourgs,
Sans ny faire de vilains tours,
Charenton, saint Denis, Charonne,
Auteul, saint Cloud, Bois de Boulogne
Sont témoignages pour certain
Qu’il a l’esprit vn peu mutin :
Faisant d’estaller au plus viste
Mauuais habitans de leur giste :
Chasse du Cours, & de Challiot,
Mais on va courre le galop,
Aux lieux qui seruent d’asseurance,
Et de tres-fidele defence
Aux Soldats depuis peu leuez
Comme à nos braues Cauailliers :
Sçauoir est Vil-Iüif la plaine,
Port à l’Anglois, Vitry sur Seine,
Bicestre, lieux circonuoisins,
Où ce cruel n’a mis les mains.
L’on y void là les ieunes Dames
Aussi mutines que gens-d’armes,
Ne voulant plus d’autres ésbats
Que celuy qu’on prend aux combats.
Dames damées & Damoiselles
Passent a trauers les sentinelles,
Voyent les fortifications,
Considerent les bastions,
Les fossez & les barricades,
Soudars armez, & corps de Gardes
Qui feroient peur aux plus fendans,
Et aux garçons les plus meschans,
A ces traistres Mazarinistes,
A ces races Cardinalistes ;
S’ils n’estoient tout à fait vestus
D’vne casaque de festus ;
S’ils n’auoient épaisse cuirasse
A triple rang de cuir de vache,

Page précédent(e)

Page suivant(e)