follement paternel qu’il a pour son aisné, qui
l’aueugle & l’enchante iusqu’à ce poinct, que
de luy faire dire que son fils Champlatreux le
rauit de son entretien, & qu’il le iuge le plus
habile homme pour gouuerner, & le plus grãd
esprit qui soit en France, quel charme ridicule
& quelle fascination prodigieuse produit
la chaire & le sang, en l’ame de ce pere fol &
enyuré de son affection paternelle ? Ie ne diray
rien icy, SIRE, à vostre Majesté de son second
fils, pour qui il a obtenu l’Euesché de Bayeux,
& la Tresorerie de la saincte Chapelle de Paris :
Depuis quelques années si vostre Majesté consulte
les plus gens de bien de son Royaume, ils
luy diront qu’ils ont gemy de voir que ce pere
infortuné a sacrifié à son ambition forcenée,
non moins le salut de son enfant, que l’honneur
de l’Eglise, qui est notablement interessée
dans cét Euesque pitoyable, miser & miserabilis,
qui outre ses deffauts corporels qui sont visisibles,
& sur l’infirmité de sa complexion mince
& delicate iusqu’à l’excés, & qui le met dans
vne incapacité continuelle & irremediable, de
prendre soin des affaires de son Diocese, n’a encore
aucune des conditions que requiert Saint
Paul, en celuy qui est appellé à cette dignité
supréme, comme si Mathieu Molé qui fait estat
de long-temps de mespriser l’authorité du Saint

Page précédent(e)

Page suivant(e)