Pour voir vn peu presentement,
Quelle est vostre Galanterie,
Comme aupres de Dame Marie
La fille de maistre Denis,
Cabarettier de sainct Denis,
Vous auez la puce à l’oreille,
Comme vous luy contez merueille,
Comme vous traittez de Soleil
Les Boulangeres de Corbeil.
A cette heure mesme peut-estre
Chantez-vous sous vne fenestre
Pour quelque joly bauolet
Vn des plus beaux Airs de Boisset :
Et la fille en fait raillerie
Auec vn valet d’escurie.
Dieux ! pour en estre là reduit
Falloit-il sortir à minuit ?
Mais quoy ? vous estiez en colere,
Et vous auiez fait bonne chere :
Puis vous pensiez qu’en deux marchez
Les Badauts seroient dépeschez,
Que le Peuple armé de furie
Fronderoit sur la fronderie,
Et qu’vn Samedy seulement
Estrangleroit le Parlement.

Page précédent(e)

Page suivant(e)