Sarasin, Jean-François [?] [1649], COQ-A-L’ASNE OV, LETTRE BVRLESQVE DV SIEVR VOITVRE RESSVSCITÉ, AV PREVX CHEVALIER GVISCHEVS, aliàs LE MARESCHAL DE GRAMMONT. Sur les affaires & nouuelles du temps. , françaisRéférence RIM : M0_797. Cote locale : E_1_125.
Page précédent(e)

Page suivant(e)

-- 4 --


Auec vn peu moins de caresses
Que l’on n’enleue des Maistresses.
Vous plaist-il familierement,
Attendant cét enléuement,
Que vous debitions des nouuelles
Et vous en comptions des plus belles.

 

 


Voicy, Monsieur le Mareschal,
Vn assez fascheux Carnaual,
Où les Corselets, les Salades
Font les habits des Mascarades,
Où les Mousquets, & les Canons,
Massent, & toppent les Mommons.
A mon sens telle Mommerie
Est vne droite diablerie.
N’en parlons plus, elle fait peur.
Nous tenons icy, pour le seur,
Que vous passez mal vostre vie,
Que la Campagne vous ennuie,
Et que vous regrettez Paris,
Où maintes dolentes Cloris
Plaignent vostre suitte inhumaine
Et chantent Birene, Birene.

 

 


Or ie donnerois force argent
Page précédent(e)

Page suivant(e)

Sarasin, Jean-François [?] [1649], COQ-A-L’ASNE OV, LETTRE BVRLESQVE DV SIEVR VOITVRE RESSVSCITÉ, AV PREVX CHEVALIER GVISCHEVS, aliàs LE MARESCHAL DE GRAMMONT. Sur les affaires & nouuelles du temps. , françaisRéférence RIM : M0_797. Cote locale : E_1_125.