qui est honorée de petits fleurons qui luy donnent toute
la grace. Quelques vns ont donné ce triangle pour le
symbole de la tres sainte & ineffable Trinité, il se delecte
en ce nombre parfait, comme les trois facultez de
l’ame en sont le symbole.

Ioseph. 1. 11.
Ant. c. 8.

Non enim est
potestas nisi à
Deo.
Ad Tit. 8.

O deux fois, trois fois heureux Prince qui estes comparé
au Lys, qui vous a fait naistre des Lys, & qui en
quelque façon estes le Lys, marque de vostre innocence
iuuenal ! Il y a grande apparence que ces diuins Lys
ont esté donnez de Dieu pour armes, & mis és mains
de nos Roys Fils aisnez de son Eglise, pour combattre
& vaincre ses ennemis mécreans & heretiques, desquels
ils ont tant de fois triomphé. Ne lit-on pas que Dieu
mit en champ d’Azur entre les mains de Clouis premier
Roy Chrestien, aussi sont-elles portées comme celestes
par deux Anges, comme il se voit és antiques maisons
Royalles. Monumens & sepultures de nos Roys, Dieu
qui aime sur tout ces trois Fleurs, & à parsemé & haut-
licé son premier & second Temple, auec les vstancilles
de ces Fleurs sacrées. Ce sont nos Roys seuls entre tous
les Princes du monde au dire du grand Charles Martel
en sa Harangue contre les Sarrasins qui n’ont iamais
persecuté les Chrestiens. Il est bien vray semblable que
nos Rois armez des Lys, estoient preueuës & figurez
par ce Chandelier d’or, que Dieu commanda & monstra
à Moyse de faire selon le modele qu’il luy monstra
en la Montagne pour seruir en son tabernacle. Tu me
mouleras & feras vn Chandelier tout de fin or, composé
de sept branches, duit au marteau, son pied détail
auec ses branches, ses platelets, ses panonceaux, & ses
Fleurs de Lys, & sur le bout de chacune aplacerats vne
lampe le tout de fin or, pour éclairer perpetuellement
mon Tabernacle, & par le long de la colomne & hampe
& maistresse branche du Chandeliër d’où sortent les
autres ; Sçauoir trois de chasque costé, tu y graueras en
bosse trois autres plus belles & excellentes Fleurs de