tasche que mon amour soit discret & peu conu ;
ie n’oublie rien si ie puis pour contenter vn autre
moy mesme ; ie ne fais tort a persone n’y auec
elle, ny tout seul ; ie luy partage mes plaisirs pour
en donner la meilleure part a mon esprit dans
les affaires d’Estat ; & puis par vne vicissitude aggreable,
quand mon corps est contant mon esprit
desire, & ainsi s’accordans parfaittement
ils me font croire que la vie que ie mene n’est
pas moins innocente, que plaisante & desirable.
Ceux qui n’ont que l’enuie & la calomnie crient
par tout qu’il y a du vice, de l’infamie, & de la
brutalité de posseder les bonnes graces d’vne
Dame qui n’est pas moins belle que gentille ; &
encore qu’ils facent tous leurs efforts pour appuier
leur mauuaise humeur par quelque apparence
de raison, ie ne puis neantmoins aduouer
qu’ils disent la verité comme ie puis vous faire
conestre ailleurs, c’est pourquoy ne dites plus que
i’aie fait vn crime en faisant de beaux garçõs, ny
que mes pechés soient effacés par leur mort,
puis que ie ne puis me repentir d’auoir fait des Anges
aussi bien que leur Autheur, ny croire qu’vne
mauuaise cause ait pû produire de si bons effets.
Au contraire il seroit a souhaitter que j’aye esté
le Pere vniuersel de tous les hommes, puis que

Page précédent(e)

Page suivant(e)