Agag contre le commandement de Dieu ;
Achab fut condamné à la mort, à cause du pardon
qu’il auoit fait à Benadab, Sainct Pierre à
fait mourir vn menteur Ananie, & Saphire sa
femme ; Sainct Paula liuré au Demon vn lascif ;
Iesus-Christ a prit le foüet contre les traffiqueurs
dans le Temple. Le Sage deffend de
prendre la charge de Iuge, si on n’a pas le courage
de punir les crimes ; & vne femme dit autrefois
à Demetrius, ne pouuant obtenir de luy
la Iustice, qu’il ne deuoit pas gouuerner, Noli
ergo Imperare, si non vis iudicare : Le Sainct Esprit
enseigne, que le Roy sage dissipe les méchants.
La Reine donc a pû témoigner qu’elle
a vn cœur aussi genereux pour châtier les superbes
& méchants, comme doux & benin pour
fauoriser les humbles & les bons, sans toutefois
qu’on puisse luy imputer la vengeance,
non plus qu’à vn maistre, quand il corrige son
seruiteur, ou à vn pere, quand il châtie son enfant ;
car si sa Majesté eust esté poussée par l’esprit
de vengeance, elle en eust témoigné des
effects beaucoup plus sensibles, par l’aide des
plus puissants Monarques de la Chrestienté ses
alliez, & des plus grands Princes & Seigneurs
de la France, qui tous prenoient part à ses interests.

Cicet.
S. Iust

S. Aug. lib. 5. de
Ciuit. cap. 9.

Reg. cap. 15.

3. Reg. cap. 2.
Act. 5.

1. Cor. 5.

Noli Iudex fieri
nisi valeas rumpere
iniquitates.
Eccles 17.

Prouerb. 2.
Rex sapiens dissipat
impios.

Iamais elle n’a eu la volonté de brusler, ruiner,
ou affamer cette belle, grande, & fameuse