Loret, Jean [?] [1652], LA GAZETTE DV TEMPS. EN VERS BVRLESQVES. , françaisRéférence RIM : M0_1471. Cote locale : B_18_23.
Page précédent(e)

Page suivant(e)

-- 10 --


Ie m’y prendrois de bonne grace ;
Car par ma Foy cela me passe.

 

 


D’Estampes, Defiesques & Goulas
Qui d’agir ne sont iamais las,
Et qui ne sont pas des gens minces,
S’en vont de par Messieurs les Princes
En qualité de Deputez
Pour supplier leurs Majestez
De mettre en oubly tous vacarmes,
Et que l’on mettroit bas les armes.
De dire icy de bonne foy
Si ces Messieurs auront du Roy
Vne réponse haute ou basse :
Ie ne sçaurois, cela me passe.

 

 


Vn des gens du Millort Germain
Dit qu’on doit rendre au Duc Lorrain
Sa Belle & fertille Prouince
A condition que ce Prince
Nostre fidelle amy sera,
Et se desespagnolisera,
Cét illustre & fameux vollage
Pourroit il bien deuenir sage,
La France qui traicte auiourd’huy
Si candidement auecque luy
Sera-telle point attrappée,
Fera-t-il bien ce coup d’Espée,
Page précédent(e)

Page suivant(e)

Loret, Jean [?] [1652], LA GAZETTE DV TEMPS. EN VERS BVRLESQVES. , françaisRéférence RIM : M0_1471. Cote locale : B_18_23.