Ainsi donc c’est vn point tout clair
Que son Espoux est Duc & Pair,
Ie crois qu’on sent bien de la joye
Tant en son Cœur comme en son foye
Quand on paruient à ce bon-heur
Estant le plus haut point d’honneur,
Où par valleur, faueur, adresse,
Se puisse esleuer la Noblesse
De ce couple que l’aime bien,
Parce que ce sont gens de bien,
Et de leurs Enfans que j’admire
Ie pourrois bien des choses dire ;
Mais leurs beautez, douceurs, appas,
Certainement ne peuuent pas
Estre mis en si peu d’Espace,
Et de plus ce subiet me passe.