LETTRE DE MONSIEVR
le Mareschal de Turrene, enuoyée à
Monsieur le Duc de Boüillon,
MONSIEVR,
Ie me réioüy de ce que les affaires du
Parlement sont bien disposées, & que les Peuples se
sousmettent entierement à la glorieuse conduite de
ces Illustres Magistrats, & Vertueux Conseillers :
Ils trouuerront plus de mains que Gias, pour seconder
leur genereuses resolutions. Pour moy, ie
fais gloire d’embrasser vn si glorieux party, & ne
puis trop loüer ces Vertueux Princes & Seigneurs,
qui volontairement s’y sont engagez : C’est vn effet
de leur Vertu & de leur merite : Les Peuples en auront
des ressentimens immortels ; mesmes les Etrangers,
qui en seront soulagez par la perte de l’oppresseur
commun, qui sera aneanty par la valeur de
ces Nobles Guerriers. Ie desire de participer à leur
Triomphe par l’vnion de mes Armes, & par la mesme
affection, & le mesme desir, que ceux qu’ils ont
si solemnellement voüez.
Ie n’aurois demeuré si long-temps engagé dans
le party contraire, si i’auois eu des idées, comme
La Tour d'Auvergne-Bouillon, Henri (vicomte de Turenne) [?] [1649],
LETTRE DE MONSIEVR LE MARESCHAL DE TVRRENNE ENVOYÉE A MONSIEVR LE DVC DE BOVLLON. , français
Référence RIM : M0_2026. Cote locale : A_5_34.