deux meres qui contestoient pour la vie d’vn enfant :
où ce braue Monarque reconnust la malice
de la mere supposee.

Deus iudicium
tuum
Regi da, &
iustitiam
tuam Filio
Regis, Psal. 71. 8.

Vn ieune
Prince doit
posseder la
Iustice distributiue.

C’est vne chose bien rare, qu’vn ieune Prince
parfaittement iuste : il semble que cette Royale
vertu, ne soit cachée que sous le poil blanc, &
dans des esprits exercés par vne longue experience,
aux affaires plus épineuses de l’Estat : ce qui
manque aux ieunes Monarques, d’où vient qu’il
ne faut point esperer de leurs Maiestés, vne Iustice
inuiolable dans l’administration des peuples : &
les Oracles nous asseurent qu’il n’est rien de plus
dangereux à vne Monarchie, que le Gouuernement
d’vne folle ieunesse, qui n’a pas la maturité
du iugement pour loger les Royales vertus, &
pour decider les plus importantes affaires de
l’Estat.

[illisible]

N’est-ce pas la raison pourquoy, on ne permet
pas en France (ou la Couronne est hereditaire)
que les Roys commandent iusques à ce qu’ils
soient arriués à l’aage de maturité & que durant
leur minorité, on leur donne des personnes pour
gouuerner le Royaume, comme nous en voyons
à presẽt la pratique, en la personne de LOVYS XIV.
Nostre Monarque donné-du-Ciel, qui laisse la
conduitte de ses Estats entre les mains de la Reyne
sa tres-Prudente Mere, qui gouuerne la France,
auec vne sagesse incomparable, & telle qu’en
pouuoit souhaiter de sa Maiesté.

[illisible]