fructifier les arbres, & couure nos campagnes
d’vne agreable verdure.

Les Roys
prodigues
comparés
aux fontaines.

Si c’est vne lourde faute à vn Marchand de
prendre du leton, pour de l’or veritable, & de
laisser supposer de l’estain pour de l’argent monnoyé ;
la prodigalité est aussi vn vice bien notable
à vn ieune Prince, & qui porte grand preiudice
à l’Estat ; ne point distinguer la profusion de
la Liberalité, ny le peché de la vertu, est vne faute
si énorme, en la personne Royale, qu’elle est
irreparable, & suffisante pour renuerser toute la
Monarchie : D’où vient que les Souuerains doiuent
prendre soigneusement garde, dés l’entrée
de leur regence, à ne faire point de dépenses inutiles,
& à n’épuiser point mal à propos leur épargne,
afin que leur Gouuernement soit heureux,
leur Domaine libre, & leur puissance redoutable
aux estrangers.