de sa Maiesté, qu’ils ne pouuoient esperer de leurs
crimes.

Royale
clemence
de Louys
le Iuste.

Mais comme nous voyons que regulierement
les Globes Celestes impriment les bonnes qualités,
dans les corps sublunaires ; de mesme i’estime
que la douceur naturelle des peuples François,
est vne communication de la Royale clemence
de nos Monarques, qui éleuent leurs subiects,
dans les sentimens d’humanité, & de courtoisie.
N’est-ce pas aussi la raison pourquoy ce
Royaume est si peuplé, & que toutes les villes regorgent
de monde ? parceque les hommes cherchent
naturellement vne conduitte amoureuse.
& de respirer le doux air de la clemence. Puis que
nos Lis ne filent point, & que le Sceptre de la
France ne tombe point en quenoüille, i’espere
que l’esprit de la Royale clemence, ne se separera
iamais du Thrône des Fils ainés de l’Eglise, &
que les peuples estrangers s’estimeront heureux,
de releuer d’vn si excellent Empire.