le Titre de Débonnaire. Louys XII. a merité
pour le mesme suiet, la qualité de Pere du peuple ;
Et François I. est l’vnique entre nos Roys, qui
a porté le surnom de clement, à cause que ce genereux.
Prince estoit tellement porté à pardonner
les offenses de ses principaux ennemis, qu’ayant
occasion de s’en vãger, il n’vsoit iamais, ou fort
rarement, des loix de la seuerité ; Charles V. sçachant
le naturel de ce valeureux Prince, en tiroit
des aduantages dans les Armées, & s’en seruoit
pour accroistre ses Victoires.

Quelques
Princes signalés
par
la Royale
clemence.

Si nous prenons la peine de porter nos esprits ;
iusqu’au gouuernement Diuin, nous découurirons
que sa Maiesté conduit les hommes, auec
vne clemence admirable, & qu’elle donne aux
ieunes Monarques, les leçons de cette Royale
vertu : Quand les Oracles parlent du Messie, ils le
nomment Roy de douceur, & de clemence, sur
le quel tous les Princes de la Terre doiuent mouler
leurs actions, & apprendre de luy à ne traitter
point auec rigueur, les fautes de leurs subiects :
quand vn petit Prince verra, que Dieu tient à
honneur de pardonner ses crimes, & que la clemence
enuironne son Thrône : comment ne sera
t-il porté à traitter de mesme son peuple ?
quand il connoistra que nostre doux Sauueur ne
se lasse point de le receuoir entre les bras de sa clemence :
comment pourra-t’il s’empescher de témoigner
les mesmes tendresses à ses subiects ? Il