MAXIMES ROYALLES
PRESENTÉES AV ROY PAR LE
Sieur du Pelletier.
SIRE,
Ie sçay bien que la matiere que ie
traitte, demande vne meditation serieuse,
& que c’est vn trauail qui doit estre l’employ
d’vn plus instruit que moy dans la Politique, & qu’vn
solitaire n’est guere propre à conseiller des Roys. Celuy
qui s’est retiré dans vn desert, pour s’appliquer à
l’estude, qui nous enseigne l’art de nous gouuerner
nous mesmes, ne peut souffrir l’éclat qui accompagne
les Monarques, & le gouuernement d’vn Royaume
est vn trop grand vaisseau pour en confier la conduitte
à de si foibles mains, & si peu accoustumées à
cét exercice. Toutefois, SIRE, vostre Maiesté remarquera
s’il luy plaist, que pour luy faire vn present,
i’ay esté à l’emprunt chez de plus riches qu’vn
Anacorette, qui éleue quelquefois les mains au Ciel,
pour vous en attirer des benedictions, & qui luy demande
le secours qui vous est necessaire.
Il faut donc que le souuerain imite le Numa des
Du Pelletier, Pierre [1649],
MAXIMES ROYALLES PRESENTEES AV ROY. , français
Référence RIM : M0_2428. Cote locale : A_6_3.