receura fauorablement leur proposition,
parce qu’il a tousiours tesmoigné
beaucoup de zelle pour la chose publique
& vn soing particulier des interests
de ladite Ville, mais principalement,
parce qu’il est le plus ferme & solide
appuy de la Monarchie & de l’authorité
Royale. Or il voit que par le retour dudit
Cardinal Mazarin non seulement la
foy publique est violée, ladite Declaration
& Arrests mesprisez, la reputation de l’Estat
auilie parmy les Estrangers, & la Maison
Royale diuisee, mais que le cœur des peuples
est aliené dangereusemẽt de l’amour
naturel qu’il a pour les Roys, en se voyans
de nouueau exposez aux rigueurs du gouuernemẽt
de cet Estrãger Or il est du deuoir
du parlement de reparer ces manquemens
& de preuenir tous ces malheurs
par sa prudence & ses ordres. Dailleurs ladite
Ville n’estant tombée dans son indignation
que par l’amitié qu’elle a tesmoignée
au Parlement dans sa persecution, &
estant par cette raison obligé de la proteger,
il ne doit pas refuser les moyens qu’elle
luy propose de sa deffense. Le peril regarde

Page précédent(e)

Page suivant(e)