nouuelles afin de faire triompher la iustice,
& que la force luy puisse demeurer ;
c’est pour quoy lesdits supplians ont
iugé necessaire de faire vne leuée de six
mil hommes de pied & trois mil cheuaux,
pour laquelle ils offrent de contribuer
suiuant leurs moyens & facultez,
& ils s’asseurent que leurs offres
seront suiuies du consentement general de
tous les Bourgeois de ladite Ville
Mais comme lesdits supplians nont
eu cette pensée qu’auec cette condition
de la proposer à la Cour pour en
auoir lagréement, parce qu’ils ne veullent
point prendre d’autre conduite dans
la presente occasion, dans laquelle il s’agit
de l’execution des Arrests de la dite
Cour, du bien de l’Estat & salut de ladite
Ville, que celle qui leur sera donnée par
lad. Cour : puisque la direction des affaires
publiques luy appartient, & que d’ailleurs
ils sçauent que ladite leuée de gens
de guerre, & deniers ne se peut faire
sans son aprobation : Ils veulent auoir recours
à vostre authorité, mais ils se promettent
que le Parlement dans ce rencontre

Page précédent(e)

Page suivant(e)