& les prud’hommes, tesmoigneront par tout
cette verité, qui ternit nostre reputation, &
expose nostre honneur à vne medisance horrible :
mais que pouuons nous faire en ce rencontre :
nostre conscience n’est point complice
de tous ces crimes : nous ne sommes point
attachez à vn cœur criminel : nostre deuoir n’est
point à l’accompagner dans la conuersation
des Dames : c’est à l’Eglise où nous Presidons :
& là nous sommes esleuez au dessus de sa teste,
auec respect & soûmission de la part de ceux
qui nous considerent.

Il ne faut point nous estonner si nous auons
perdu l’affection des Parisiens. Nous auons
murmuré de leur inconstance, mais à tort : nous
ne sçauions pas encor toutes les intrigues que
nostre Maistre faisoit iouër contr’eux : son
dessein n’estoit pas tant de les proteger, comme
de les abatre. Il a voulu se seruir de leur testes
pour s’esleuer à la dignité de Cardinal, à
laquelle il est paruenu par trahisons & par fourberies,
en renonçant à la Iustice de la Fronde,
& aux sentimens des gens d’honneur. Combien
luy auons nous veu commettre de lacheté
pour conduire son entreprise à execution ? En
quels lieux n’auons nous point esté portez
pour abuser les esprits foibles & pour conuaincre
les obstinez deuant & apres sa promotion