de luy mettre la main sur le collet, le charger
de chaisnes, luy faire tremper son pain dans
l’amertume de ses larmes auant qu’il les porte à sa
bouche, & à ses impies sacrileges, qui non contens
d’auoir ou mis à feu & à sang, au pillage &
brigandage dix lieux autour d’Angers reduire en
cendres ce qui nous est donné par la prouidence
diuine pour les necessitez de la vie, cela est-il pas
estonnant, auoir mis la main sur le Sancta Sanctorum,
sur le sainct des Saincts, duquel les Prestres
seuls n’osent approcher que dans la pureté, puis
qu’il est mesme formidable aux Cherubins & Seraphins,
& a toutes les celestes Hierarchies, est
ce pas dégenerer de Foy & de Religion, aduoüans
de tels crimes, quelles penitences les sacrez Canons
ne doiuent-ils pas à ceux qui le traictent indignement,
& si la pureté est requise pour les porter
par ces paroles suiuantes, Mundamini qui fertis
vasa Domini ; endurerez-vous qu’ils soient polluës,
quels condamnation, quel arrest, quelles
sentences leurs donnerez-vous ; Sainct Paul, &
tous les Saincts, & les sacrez Conciles, bref toute
l’Eglise ordonne de subir la mort exemplaire,
cela est biẽ d’auãtage que de se ietter sur les pierreries
plus precieuses de vostre cabinet, puis que
c’est sur le chef des Christs & des Oincts, cela est
deffendu de l’authorité diuine à quelque nation

Page précédent(e)

Page suivant(e)