Dans vne iuste obeissance,
Comme doiuent de bons suiets,
Et oster ces tristes obiets
Que la guerre par trop funeste
Nous peut auoir laissé de reste.
Ie me confonds dans ces pensers,
Et quand ie songe aux grands dangers
Dont nous sortons à peine encore,
L’excez de douleur me deuore,
Ie suis à demy déconfit
Quand ie repense à cette nuict,
I’en ay encore mal à la teste,
Qui tout ainsi qu’vne tempéte
Entraisne dedans d’autres bords,
Ce qui s’oppose à ses efforts.
Ayant par grande violence
Surpris celuy dont la science
Et l’art auroient peu guarantir
Tout ce qu’elle a fait subuertir,
Ainsi sans qu’aucun s’en prist garde
Comme on songeoit à la moutarde,
La nuict de la veille des Roys
Le Roy fut mis hors son Palais,
Et mené bien loing de la ville
D’vne course prompte & agile
Droit au Chasteau de sainct Germain,
L’on ne le sceut qu’au lendemain.
Helas que cette dure absence
Nous à causé grande souffrance,
Et que l’esloignement d’vn Roy
Met son peuple en grand desaroy,
Ie le sçay par experience,
Qui est vne forte science,
Car depuis ce fascheux moment
I ay bien despensé de l’argent,
Sans pouuoir gagner ie vous iure

Page précédent(e)

Page suivant(e)