Et que la scene se repose,
I ay dissipé mes portions,
Il ne m’en reste deux testons,
Et si vous n’y mettez remede
Dans peu la place ie vous cede,
Ce qui me soustient tant soit peu
C’est qu’on m’asseure que dans peu,
La paix sera toute assurée.
Ainsi la guerre terminee
Nous pouuons former vn espoir
De bien-tost tretous nous reuoir,
Non pas sitost que ie desire,
Car par le iour que ie respire
Ie voudrois que des auiourd’huy
On nous payast du bien d’autruy,
Apres luy auoir fait paroistre
En mon mestier que ie suis maistre,
Ie croy que tout chachun content
N’auroit regret à son argent,
Et confesseroit que la guerre
Nous auroit instruits à mieux faire,
Pour moy ces accidens diuers
Ne me font oublier mes vers,
Ie les sçay tous, en quelque piece
Qu’en commande que ie paroisse.